Werneri e refuzoi Interin

15:20 | 25 Gusht 2021
A. B.

Timo Werner nuk pranoi t’i bashkohej Interit, i cili kishte shprehur interesim për të gjatë bisedimeve për shitjen e Romelu Lukakut në Chelsea.

Përfaqësuesi i Gjermanisë Werner e hodhi poshtë mundësinë për t’i bashkuar Interit gjatë kësaj vere, pasi dëshira e tij ishte të mbetej në Chelsea.

Werneri e kaloi një sezon në Stamford Bridge, duke i shënuar 12 gola në 55 paraqitje për të kaltrit.

Por këtë sezon, 25-vjeçari do të ketë shumë më pak mundësi të luajë për skuadrën e Thomas Tuchel, pas ardhjes së Romelu Lukakut.

Sipas gazetarit të Bild, Christian Falk, Wenerit iu ofrua mundësia ta linte Chelsean për Interin, por ai vendosi të qëndrojë në Stamford Bridge ku ka kontratë deri në vitin 2025.

Interi është buzë blerjes së Joaquin Correas nga Lazio dhe tashmë e ka siguruar Edin Dzekon.

Zikaltrit dhe Correa kanë arritur marrëveshje personale kohë më parë dhe të martën Lazio e pranoi ofertën e Interit në vlerë prej rreth 30 milionë eurove për argjentinasin. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm